L’infinito

OMAGGIO A LEOPARDI
(e al dialetto napoletano)

Senza lémmete

Sempe ’n core ’sta toppa sulitaria
e chesta sepa a mmé che tanta parte
de chello che sta arreto m’annasconne.
Ma stanno ccà, s’ i’ guardo, làrio senza
lémmete arreto a ghiessa, e d’atu munno
silenzie, e affunno affunno n’arrecietto
i’ ’n capa m’affiuro, ca pe ppoco
’o core nun se scchianta. E comme ’o viento
siento ca cıata int’ a sti cchiante, i’ chillu
silenzio senza fine a chesta voce
vaco affruntanno: e penzo ó tiempo senza
tiempo, e a ll’èbbreche morte, e a chesta viva,
e ó cıùscio suio. Accussì dint’ a chistu
spprufunno ’a capa mia va nfunno nfunno:
e ll’affunnà m’è ddoce int’ a stu mare.

(24-9-2019)